يا اجازة
حوارمجازمع اجازته
لللشاعر ادريس طويل
يا اجازةبغيت نستفسرعنك**************** يا اجازة عا ر ربي خبريني
الشباب الكل راه يسالك ************لاش ارخصتي و رخصتيني بلعاني
امن زمان الطلاب تجني في تمرك**** *******اما انااليوم تبعك عراني
من الاساسي تمنيت نوصلك************** فالكوليج زاد قربك فرحني
بمنظارالعلم من اللسي شفتك************ اوف الجامعات حبك ابلاني
وا لدياشحال فرحو كي خدتك********** ضنوك ارفعتيني مابين افراني
الوقت اليوم راه اكشفلي سرك **********زعافك فالقلب بالسم سقاني
ارجعتي كالاصنام تعجبي عبدك*********** ما تضري ماتفقري ماتغني
جوبيني بالله راني نسالك***************** جوبني راه امرك حيرني
يا جنازة علاش راني نمشط لك******* جاو الناس اليوم فيك ايعزوني
ويح التربية ليا مداتك**************** *مديتك للشغل راهم جهلوني
ياويلي اليوم راني عدبتك*********** طرقت بيك بيبان هلهم كرهوني
لوعرفت خاتيمتي كنت افرقتك *********احسن لي الجهلنسرح ونغني
بركا ياموجاز ما تنفض فيديك******* احسن لك نبقى ساكتاغي خليني
جوابي نيران خايفها تاديك*************** سؤالك قاسح راه عدبني
انت دنبك راه كلو عن واليك********* والدنوب علىالي ليك اعطاني
لوعندك لكتاف للخدمة نديك **********المسؤول داق نساك ونساني
ياموجاز خلاص نسكت لاناديك *********انتايا مسكين اهلك شفوني
يااجازة خلاصني ربي يهديك ************ انت ورقة خاسرة هبلتيني
ورقت الطوطو تتميز عليك**************** فالامل كل يوم اتعيشني
موضوع: حوارمجازمع اجازته 
الجمعة يناير 28, 2011 7:33 am
